Latest News

செய்தி வெளியீடு எண் : 17,நாள் : 26.01.2018 மாநகராட்சி துப்புரவு பணியாளர்களுக்கான சிறப்பு மருத்துவ முகாமினை மாநகராட்சி ஆணையாளர் திருரெ. சதீஷ் அவர்கள் துவக்கி வைத்தார்.

சேலம் மாநகராட்சி பகுதிகளில்  துப்புரவு பணிகளை மேற்கொண்டு வரும் 2 ஆயிரத்துக்கும் மேற்பட்ட துப்புரவு பணியாளர்களுக்கான சிறப்பு மருத்துவ முகாமினை 26.01.2018 அன்று அம்மாபேட்டை மண்டலத்திற்குட்பட்ட நேரு கலையரங்கில் மாநகராட்சி ஆணையாளர் திரு.ரெ. சதீஷ் அவர்கள் துவக்கி வைத்தார்.  சேலம் மாநகராட்சி பகுதிகளில் துப்புரவு பணிகளை இடைவிடாது மேற்கொண்டு வரும், துப்புரவு பணியாளர்கள் கடந்த 6 மாத காலமாக டெங்கு தடுப்பு பணிகளில், முழு ஈடுபாட்டோடு மேற்கொண்டனர். இந்நிலையில் துப்புரவு பணியாளர்கள் நலனை கருத்தில் கொண்டு, மாநகராட்சி நிர்வாகம் மருத்துவ முகாம் நடத்துவதற்கு நடவடிக்கை மேற்கொண்டுள்ளது.  அதனடிப்படையில் அனைத்து பணியாளர்களுக்கும் தேவையான பரிசோதனைகள் செய்து,  உரிய மருந்துகள் வழங்கப்பட்டது.  மேலும் துப்புரவு பணியாளர்களுக்கு தேவையான பாதுகாப்பு உபகரணங்களை ஏற்கனவே மாநகராட்சி நிர்வாகம் வழங்கியுள்ள நிலையில் , தற்போது துப்புரவு பணியாளர்களுக்கு தேவையான சீருடைகளை ஆணையாளர் வழங்கினார்.    அம்மாபேட்டை மண்டலத்திற்குட்பட்ட கோட்டம் எண் 44 ல் எருமாபாளையம் எருகிடங்கு அருகில் உள்ள பகுதியில் துப்புரவு பணியாளர்களுக்கான அடுக்குமாடி குடியிருப்பு வளாகம் கட்டுமான பணிகள் ரூ.3 கோடி மதிப்பீட்டில் 36 குடும்பங்கள் பயன்பெறும் வகையில் பணிகள் நடைபெற்று வருகிறது. மேலும்  துப்புரவு பணியாளர்களின் அனைத்து நலன்களையும் கருத்தில் கொண்டு, மாநகராட்சி நிர்வாகம் பல்வேறு நடவடிக்கைகளை தொடர்ந்து மேற்கொண்டு வருகிறது என ஆணையாளர்  தெரிவித்தார்.  இந்நிகழ்ச்சியில் செயற்பொறியாளர் திரு.அ.அசோகன்,  மாநகர நல அலுவலர் மரு.வி. பிரபாகரன்,  உதவி ஆணையாளர்கள் திரு.ஏ.ஆர்.ஏ. ஜெயராஜ், திரு.கே.பி. கோவிந்தன், திரு.மு. கணேசன், சுகாதார அலுவலர்கள் , சுகாதார ஆய்வாளர்கள் மற்றும் துப்புரவு பணி மேற்பார்வையாளர்கள் உள்பட பலர் கலந்து கொண்டனர்.    

Read More

செய்தி வெளியீடு எண் :14 , நாள் : 23.01.2018 போகி பக்கெட் சேலன்ஞ்-2018 இயக்கத்தின் மூலம் 8 ஆயிரத்து 165 எண்ணிக்கையிலான மறுபயன்பாட்டுப் பொருட்களும் 3 ஆயிரத்து 950 கிலோ அளவிலான மறுசுழற்சி பொருட்களும் பொது மக்களிடமிருந்து பெறப்பட்டுள்ளது ஆணையாளர் திரு.ரெ.சதீஷ் அவர்கள் தகவல்.

சேலம் மாநகராட்சி பகுதிகளில் புகையில்லா போகி மற்றும் சுகாதார பொங்கல்  கொண்டாடுவதற்கு ஏதுவாக 10.01.2018 முதல் 20.01.2018 வரை போகி பக்கெட் சேலன்ஞ் (க்ஷhடிபi க்ஷரஉமநவ ஊhயடடநபேந) இயக்க பணிகள்  மாநகராட்சி நிர்வாகத்தால் மேற்கொள்ளப்பட்டது.  போகி பக்கெட் சேலன்ஞ் (க்ஷhடிபi க்ஷரஉமநவ ஊhயடடநபேந) இயக்கத்தினை மாணவ, மாணவியர்கள் மூலம் பொது மக்களிடம் எடுத்து சென்று வெற்றிகரமான இயக்கமாக மாற்றுவதற்கு தேவையான நடவடிக்கைகளை மாநகராட்சி நிர்வாகம் மேற்கொண்டது.  அதன் அடிப்படையில் சேலம் மாநகராட்சி பகுதிகளில்   செயல்படும் அனைத்து அரசு மற்றும் தனியார் பள்ளிகள்,  கல்லூரிகளில் பயிலும் மாணவ, மாணவியர்கள் தங்கள் வீடுகள் மற்றும் விடுதிகளிலிருந்து சேகரிக்கக் கூடிய  பழைய துணிகள், காலணிகள் போன்றவற்றை சேகரிப்பதற்காக 10.01.2018 முதல் 20.01.2018 வரை அனைத்து பள்ளி, கல்லூரிகளிலும்  அட்டை பெட்டிகள் வைக்கப்பட்டது. மேலும்  மாநகராட்சி நிர்வாகத்தின் சார்பில் ஒவ்வொரு மண்டலத்திற்கும் தலா 25 மையங்கள் என 4 மண்டலங்களில் அமைக்கப்பட்டிருந்த 100 சிறப்பு மையங்களில்  பொது மக்கள் தங்கள் வீடுகளில் பயன்படுத்திய பழைய பிளாஸ்டிக் மற்றும் கோரை பாய்கள், தலையணைகள், காலணிகள், டயர்கள் போன்ற உபயோகமற்ற பொருட்கள் சேகரிக்கபட்டது.  இவ்வாறு பொது மக்கள் மற்றும் பள்ளி மாணவ, மாணவியர்களிடமிருந்து பெறப்பட்ட பயன்படுத்திய பொருட்களை மறுபயன்பாட்டு பொருட்கள், மறு சுழற்சிக்கான பொருட்கள், எதற்கும் உபயோகமற்ற பொருட்கள் என தரம் பிரிக்கப்பட்டதில் 1528 சட்டைகள், 1197 கால்சட்டை மற்றும் பேண்ட்கள், 270 ஜீன்ஸ், 1050 சுடிதார்கள், 1200 புடவைகள் மற்றும்  குழந்தைகள் ஆடைகள் 2920 என மொத்தம் 8165 எண்ணிக்கையிலான மறுபயன்பாட்டு பொருட்கள் கிடைக்கப்பெற்றுள்ளது. இவைகளை பயன்படுத்தும் வகையில் தயார் செய்து மாநகராட்சி பகுதி மற்றும் புற நகர் பகுதிகளில் செயல்படும் ஆதரவற்றோர் இல்லங்கள் மற்றும் முதியோர் இல்லங்களுக்கு தேவையான எண்ணிக்கையில் வழங்குவதற்கான நடவடிக்கையினை மாநகராட்சி நிர்வாகம் மேற்கொண்டு வருகிறது. மேலும், மறுசுழற்சி பொருட்களாக 420 கிலோ அளவிலான ஆடைகளும் 210 கிலோ அளவிலான காலணிகளும், 2650 கிலோ அளவிலான பிளாஸ்டிக் பொருட்களும், 670 கிலோ அளவிலான இதர பொருட்கள் என மொத்தம் 3950 கிலோ அளவிலான மறுசுழற்சி பொருட்களும், 244 கிலோ அளவிலான எதற்கும் உபயோகபடுத்த முடியாத அளவில் பொருட்களும் கிடைக்கப்ப பெற்றுள்ளது. மேலும், 995 மெட்ரிக் டன் அளவிலான திடக்கழிவுகள் பொது மக்களிடத்தில் பெறப்பட்டு முறையாக அப்புறப்படுத்தப்பட்டுள்ளது. மாநகராட்சி நிர்வாகம் மேற்கொண்ட இப்புதிய முயற்சிக்கு ஒத்துழைப்பு வழங்கிய பொதுமக்கள், மாணவ, மாணவியர்களுக்கும், இவ்வியக்கத்தில் பங்கு கொண்டு மாநகராட்சி நிர்வாகத்திற்கு உறுதுணையாக இருந்த அனைத்து தன்னார்வு அமைப்புகளுக்கும் மாநகராட்சி நிர்வாகத்தின் சார்பில் பாராட்டுகளை ஆணையாளர் தெரிவித்துள்ளார்.

Read More